– सुविन श्रेष्ठ
ललितपुर शुक्रबार एकैपटक राजीनामा बुझाएका मन्त्रीहरू बिचल्लीमा परेका छन् । क्वार्टरमा बस्दै आएका १८ मध्ये पाचजना पुनः मन्त्री बनेपछि अन्यलाई क्वार्टर छाडेर कहा“ बस्ने भन्ने पीडाले सताएको हो । आफन्त भएका र समयमै डेरा सुरक्षित राख्न सकेका केही मन्त्री सोमबार सरेका छन् । शनिबार र आइतबार बुद्ध जयन्तीको बिदासहित क्वार्टरभित्रै भेटघाट र भोज खाएर तिनले क्वार्टर छाडेका हुन् ।
बुद्धजयन्तीको बिदा हुनाले सुरक्षामा दुईदिन छुट दि“दै सोमबार पूर्व राज्यमन्त्रीहरू हरिराज खेवा, काशीदेवी झा, सुनिताकुमारी महतो र सुष्मा शर्माका अंगरक्षक पनि हटेका छन् । मन्त्रीलाई सुरक्षाका लागि एक असई, हवल्दार र चारजना सिपाहीको व्यवस्था हुन्छ । मन्त्रीक्वार्टरमा उपसभामुख पूर्णकुमारी सुवेदीसहित १८ मन्त्री बस्दै आएका थिए । जम्बो मन्त्रिमण्डलका थप ३० मन्त्री भने बाहिरै थिए । १८ मन्त्रीका लागि क्वार्टरभित्र ए, बी, सी र डी चार ब्लक छन् । ए, सी र डी ब्लकमा ५÷५ वटा क्वार्टर छन् र बीचमा चार क्वार्टर छन् । यीमध्ये डी ब्लकमा आधुनिक घर छन् । कोठा राम्रा र ठूला छन् । सुरक्षा स्रोतका अनुसार डी ब्लक प्रायः प्रभावशाली मन्त्रीको अधीनमा पर्छन् । डी ब्लकको क्वार्टरमा विजयकुमार गच्छदार डी १, राजेन्द्र महतो डी २, टोपबहादुर रायमाझी डी ३, नारायणकाजी श्रेष्ठ डी ४ र पोष्टबहादुर बोगटी डी ५ मा बस्छन् ।
डेरा खोज्दै मन्त्रीहरू
मन्त्रीपदबाट मुक्त भएपछि गोपाल किरातीले सोमबार क्वार्टर छाडे । स्रोत भन्छ, ‘राजलाल यादवलगायत आधा मन्त्री डेरा खोजिरहेका छन् ।’ यस्तै बाध्यता रहे एक सातासम्म क्वार्टरभित्र बस्न पाइने प्रावधान छ । स्रोतका अनुसार एमालेका तर्फबाट पूर्वऊर्जामन्त्री गोकर्ण विष्टले पद छाडेकै मध्यरात क्वार्टर छाडेका थिए । भौतिक तथा योजनामन्त्री हु“दा विजयकुमार गच्छदार मन्त्रीबाट हटे पनि पुनः मन्त्री हुन्छु भन्दै २१ दिन क्वार्टरभित्रै अड्डी कसेर बसेका थिए ।मन्त्रीपुत्र कस्तो बदमास !
केही समयअघिका ऊर्जा राज्यमन्त्री चन्द्रसिंह भट्टराईलाई धेरैले बिर्सेका छैनन् । कारण, उनी निम्त्याइएका कार्यक्रममा साधारण पहिरनमा देखिन्थे । विनासुट र पेटी कार्यक्रममा पुग्दा आयोजक झुक्किन्थे । ललितपुरको टीकाथलीमा आयोजित एक कार्यक्रममा पुग्दा आयोजकहरू मन्त्री खोइ भनी धेरैबेर अल्मलिएका थिए । ‘उनैका पुत्रले मन्त्रीक्वार्टरमा गर्नुसम्म गरे,’ स्रोतले भन्यो, ‘प्रायः निजी सचिवजस्तै सधै“ क्वार्टरमा आइरहने भट्टराई पुत्रले नपच्ने काम गरेका छन् ।’ स्रोतका अनुसार मन्त्रीपदबाट भट्टराई हटेर क्वार्टर छाड्ने दिन पुत्रले ओछ्यानमा आची गरेर तन्नाले छोपी हि“डेका थिए । यसैबीच, मन्त्रीबाट मुक्त भएर बाहिरि“दा कम्प्युटरका सामान हराउने गरेको पाइएको छ । मन्त्रीबाट बदमासी नभए पनि छोरा, भाइबुहारी र कामदारबाट चोरी हुने गर्छ । नया“ मन्त्री आएपछि नया“ पर्दा, कार्पेट, सोफा फेर्नुपर्छ । मन्त्रीका हरेक कोठामा एक थान टिभी र कम्प्युटरको व्यवस्था हुन्छ ।
कुनै बेला मन्त्रीक्वार्टरमा कार्यक्रम हु“दा आफन्तले खाएको खाजाखर्चको भुक्तानी नहु“दै मन्त्री पदमुक्त हुन्छन् । त्यो पैसा कसले तिर्ने ? कतिपय खाजा खुवाउनेहरू समस्यामा परेका छन् । यता पत्रिका दि“दै आएका वितरकले पनि पूर्वमन्त्रीहरूलाई वितरण गरेको पत्रपत्रिकाको रकम नपाएको गुनासो गरे । मन्त्रीक्वार्टरमा कमला रोका, ईश्वरदयाल मिश्र, हेमराज तातेड, अनिलकुमार झा, मोहमद वकिल मुसलमान, मालबर सिंह थापा, बृजेशकुमार गुप्ता, राजकिशोर यादव र राजलाल यादव छन् । आज सा“झसम्म कमला रोका, हेमराज तातेड र गुप्ताले क्वार्टर छाड्दै छन् ।
No comments:
Post a Comment