जेलभित्र नक्कली भारतीय मुद्रा छाप्ने मेसिन

काठमाडौं । जेलभित्र नक्कली भारतीय मुद्रा छाप्ने मेसिन पुगेको छ । यो खबर जेल प्रशासन र प्रहरीलाई पनि छ । तर, खबर पाएको एक महिना बढी भयो, सामान अझै जफत हुन सकेको छैन । सुन्दा अचम्म लाग्छ कि, अपराध भएको थाहा भएर पनि प्रहरी–प्रशासन यत्तिका समयसम्म किन मौन छ !सत्य कुरा के हो भने, जगन्नाथदेवलस्थित केन्द्रीय कारागारभित्रै नक्कली भारतीय मुद्रा छाप्ने मेसिन छ भन्ने हल्ला छ । तर, प्रहरीले अहिलेसम्म अनुसन्धान गरेको छैन । कारागारस्रोतका अनुसार, चौकी भनिने कारागारको ८ नं. ब्लकमा सो सामान राखिएको छ । त्यो ब्लक चौकीदार वीरबहादुर तामाङको नियन्त्रणमा छ । त्यहा“ आन्तरिक प्रशासनबाहेकका व्यक्तिलाई प्रवेश निषेध छ । जेलर र प्रहरी अधिकृतले जान चाहेमा कैदीहरूले टाउको फुटाउनेसम्मको धम्की दिने गरेका छन् । यस्तो हुनुको कारण खोल्दै केन्द्रीय कारागारमै कार्यरत एकजना सरकारी कर्मचारी भन्छन्, ‘छानबिन गर्न खोज्यो भने भाग नपुगेर करायो भन्न थाल्छन्, उल्टै विभाग (कारागार व्यवस्थापन)बाट हामीमाथि कारबाही हुने स्थिति छ ।’
यो खबरको खुलासा भने त्यहा“का चौकीदार वीरबहादुर तामाङको दोहोरो भूमिकाका कारण भएको बताइन्छ । नक्कली भारु कारोबारको अभियोगमा कैद नेशनल टेलिभिजनका सञ्चालक युनुस अन्सारीमाथि गोलीप्रहार भएको घटनामा वीरबहादुरले दोहोरो भूमिका खेलेका थिए । प्रहरी अनुसन्धानबाट पनि खुलेको छ कि, युनुसलाई गोली हान्न मनमित सिंह जेलभित्र निःशस्त्र छिरे । उनी छिर्नुअघि सोही बिहान कालीमाटीस्थित तरकारी बजार गएका बेला वीरबहादुरले अपहरणका नाइके अमर टण्डनस“ग २० हजार रूपैया“ लिएका थिए । तरकारी बजारमा बोलाइएका एकजना व्यक्तिस“ग पेस्तोल लिएर उनी फर्किए । उनले सो पेस्तोल भेटघाटकक्षस“गै रहेको अस्पतालको शौचालयको माथिल्लो भागमा सिउरिए । मनमीत सिंह जेल छिर्नासाथ त्यही पेस्तोलले युनुसलाई ताके । वीरबहादुरले युनुसस“ग यो कुरा स्विकार्दै भनेका छन्, ‘ज्यान नजाओस् र तपाईंमाथिको सुरक्षा बढोस् भनेर यस्तो गरेको †’ घटनापछि अमर टण्डन भद्रगोल जेलमा सारिएका छन् । यसपछि वीरबहादुर र बैदार पुरन गुरुङको हिमचिम युनुसस“ग निकै बढ्यो ।
बीचमा जेलबाट रिहा भएका पुरनका म्यादीहरू माइली तामाङ र डोल्मालाई युनुसकै सहयोगमा पाकिस्तान पठाइएको छ । अहिले पनि ती दुई पाकिस्तानमै छन् । ‘हाई थ्रेट’ का कैदी हुनुका नाताले युनुसलाई दिन नमिल्ने सुविधा पनि दिइएको छ । तर, उनी भित्रै बसेर बाहिरका मान्छेलाई एसएमएसबाट आºना खबर सुनाउने गर्छन् । त्यसका लागि जेल प्रशासनले नेपाल टेलिकमको सिमकार्ड चलाउने अनुमति दिएको छ । तर, सो मोबाइलमा दोहोरो कुराकानी गर्ने अनुमति भने छैन । कारागारतर्फका एकजना सरकारी कर्मचारीले चौकीदार तामाङसग युनुसले मोबाइलमा एसएमएस पठाउने व्यक्तिबारे बुझ्ने क्रममा पाकिस्तान बस्ने माइली र डोल्मास“ग बढी सम्पर्क रहेको पत्ता लाग्यो । र, सगै अर्को कुरा पनि पत्ता लाग्यो कि, माइलीहरूकै सहयोगमा नक्कली नोटको डाई (मेसिन) पनि उनीहरूमार्फत कालीमाटीको तरकारी बजार हु“दै केन्द्रीय कारागारसम्म पुग्यो । युनुस पक्राउपछि बन्द रहेको नेसनल टेलिभजनलाई पुनः सञ्चालन गर्न अहिले वायुसेवा घोटाला प्रकरणका रामाज्ञाप्रसाद चतुर्वेदीमार्फत युनुस भारतीय शक्तिेकन्द्रस“ग नजिक हुन खोजिरहेका छन् । आफू जहिले छुटे पनि टेलिभिजन पुनः सञ्चालनका लागि उनले हालै रिहा भएका केन्द्रीय कारागार माविका प्रधानाध्यापक नवराज लम्साललाई सिइओ (प्रमुख कार्यकारी अधिकृत) को नियुक्तिपत्र दिएर पठाएका छन् ।
मासिक ४० हजार तलब दिने कुरा लम्सालको नियुक्तिपत्रमा उल्लेख छ । उनी छुटेको एक महिनाभन्दा बढी भइसक्यो । अहिले पनि लम्साललाई युनुसले दिनमा दर्जनौँ एसएमएस पठाउने गरेका छन् । भारतीय शक्तिकेन्द्रस“ग नजिक हुने योजनाअनुसार युनुसले चतुर्वेदीको सल्लाहमा एउटा भिडिओ अन्तर्वार्ता पनि रेकर्ड गरेका छन् । जेल प्रशासनको अनुमतिविना कैदीबन्दीको अन्तर्वार्ता प्रकाशन वा प्रसारण भएमा सम्बन्धित कैदी÷बन्दीमाथि कारबाही हुने कारण हालसम्म अन्तर्वार्ता कतै प्रसारित भएको छैन । तर, चतुर्वेदीले उक्त भिडियो टेप लैनचौरस्थित भारतीय दूतावासमा पठाइसकेको बताउने गरेका छन् ।
उता, नक्कली भारुको कारोबार अभियोगमा कैद भुक्तान गरिरहेका व्यक्ति अहिले युनुसकै नेतृत्वमा समूहबद्ध भएका छन् । त्यसरी समूहबद्ध हुनेमा मोहम्मद आलम, मोहम्मद इकबाल, फिरोज अन्सारी, आजाद अन्सारी, सहजाद कुरान, मुस्तार अन्सारी, कलिम खा“, मोहम्मद उमर, चोकन साह, अमित साह, मोहम्मद इस्माइल, मोहम्मद आजादलगायत रहेको बताइन्छ । पोहोर स्वास्थ्योपचारका क्रममा बा“सबारीस्थित गंगालाल हृदयरोग केन्द्रबाटै भागेका मोहम्मद जमाम पनि युनुस समूहकै थिए । त्यस्तै, कल बाइपासको अभियोगमा बंगाली कैदी मोहम्मद साले अहमद पनि अहिले युनुस समूहमा लागेका छन् ।