चार शक्ति ११ प्रदेशमा सहमति नजिकै, सीमा र नाम मिलाउन आन्तरिक बैठक

काठमाडौं, जेठ १- प्रमुख तीन दल र मधेसी मोर्चा ११ प्रदेश बनाई राज्य पुनर्संरचना गर्न सहमति नजिक पुगेको बैठक स्थल प्रधानमन्त्री कार्यालयबाट नागरिकन्युजकर्मी माधव ढुङ्गेलले जनाएका छन्। सीमा र नामको विषयमा आन्तरिक अभिमत बनाउनका लागि अहिले पार्टीहरु आन्तरिक बैठकमा छन्। सिंहदरबारस्थित माओवादीको संसदीय दलको कार्यालयमा स्थायी समितिको बैठकपछि जातीय मोर्चा र राज्य प्रमुखहरुलाई पनि डाकिएको छ। त्यसैगरी एमाले स्थायी समितिको बैठक पनि संसदीय दलको कार्यालयमा नै बस्दैछ। मधेसी मोर्चा पनि आन्तरिक बैठकमा जुटेको छ भने नेपाली कङ्ग्रेसका उपलब्ध प्रभावशाली नेताहरुको पनि आन्तरिक बैठक हुँदैछ। 

सहमति जुटाउन बसेको बैठकपछि एमाले नेता माधव नेपालले बैठक सकारात्मक र राम्रोसँग बसिरहेको जानकारी दिँदै साँझ साढे पाँच बजे पुनः बस्ने बताए। त्यसैगरी मधेसी मोर्चाका राजकिशोर यादवले जेठ १४ मै संविधान जारी गर्ने सैद्धान्तिक सहमति भएको र राज्य पुनर्संरचनाका लागि सहमति जुटाउन आन्तरिक तयारी गर्न बैठक बस्न लागेको जानकारी दिए।