संविधानको म्याद कुनै हालतमा नथपिने प्रधानमन्त्रीको दाबी

प्रधानमन्त्री बाबुराम भट्टराईले बहुमतको खेलमा लागेमा जेठ १४ भित्र संविधान बन्न नसक्ने भन्दै संविधान सभाको म्याद कुनै हालतमा नथपिने दाबी गर्नुभएको छ । माओवादी विद्यार्थी संगठन अखिल क्रान्तिकारीले आज राजधानीमा गरेको चियापान कार्यक्रमा उहाँले कुर्सीमा टाँसिएर बस्ने आफ्नो चाहना नभएको जिकीर गर्नुभयो । तर नयाँ संविधान जारी भएपछि मात्रै आफूले कुर्सी छाड्ने बताउन भने उहाँले विर्सनु भएन ।

हरेक पार्टीभित्र केही नेताहरु संविधान बन्न नदिने खेलमा लागेको उहाँको आरोप थियो । चियापान कार्यक्रममा माओवादी शीर्ष नेताहरु, सभाषद्, विभिन्न पार्टीका नेता एवं सभाषद्, उद्योगी, व्यापारी, विभिन्न विश्वविद्यालयका उपकुलपतिहरु लगायतको सहभागिता थियो ।