बिद्यार्थी काट्न खोजेको विरोधमा जाम

आफ्ना कार्यकर्तामाथि एमालेसम्बद्ध अनेरास्ववियु कार्यकर्ताले आक्रमण गरेको भन्दै नेपाल विद्यार्थी संघले आज काठमाडौंका क्याम्पसहरु अगाडि एक घण्टा चक्काजाम गरेको छ । त्रिचन्द्र क्याम्पसका नेविसंघ अध्यक्ष कृष्ण जैसी र स्ववियु सचिव संजय यादवमाथि अनेरास्ववियुका कार्यकर्ताले हिजो खुकुरी प्रहार गरेको नेविसंघले जनाएको छ । गृहमन्त्रीको राजीनामा र घटनाका दोषीलाई कारबाही माग गर्दै नेविसंघले त्रिचन्द्र क्याम्पस, आरआर क्याम्पस, पशुपति क्याम्पसलगायतका क्षेत्रमा विहान नौ बजेदेखि एक घण्टा चक्काजाम गरेका थिए ।