अपवाद : नेपाल रिलिज स्थगित

राजनीतिक अस्थिरतालाई कारण देखाउँदै सिनेमा ‘अपवाद’ले पूर्वनिर्धारित अलनेपाल रिलिज स्थगित गरेको छ । सिनेमा रिलिज हुने दिन जेठ ५ मा राप्रपा नेपालले नेपाल बन्दको आह्वान गरेको र जेठ १४ सम्मको राजनीतिक अन्यौलका कारण रिलिज पोस्टपोन्ड गरिएको निर्माता सुसन प्रजापतिले बताए । उनका अनुसार सिनमाको अमेरिका र अष्ट्रेलिया पूर्वनिर्धारित रिलिज भने उक्त मितिमै हुनेछ । 

 

 

‘नेपाल बन्द, राजनीतिक अस्थिरता र सबैको सुझावपछि रिलिज मिति स्थगित गर्न बाध्य भयौं’ प्रजापतिले मेरोसिनेमालाई भने, ‘निर्धारित मितिमा रिलिज गर्न नसेकेकामा हामी दर्शकसँग क्षमा माग्छौं ।’ ‘अपवाद’ प्रतीक्षित सिनेमा हो । शुक्रबारको नेपाल बन्दको दिनमा ‘सायद’ रिलिज हुँदैछ ।’ पोस्टपोन्डपछि ‘अपवाद’को रिलिज अनिश्चित बनेको छ । ‘राजनीतिक स्थिरताको लक्षण देखियो भनेमात्र सिनेमाको रिलिज तोक्छौं’ निर्माता प्रजापतिले भने ।